Embedded Files
ئاگاداری نوێترین زیادکراوەکان ببە
زۆربەی جار وا دەردەکەوێ کە قوتابیان وا هەست دەکەن کە ئەو کارەی ئەوان هیچ سودیکی نیە، خوێندن هەوڵدانێکی بێ سودە دەرەنجامی باشی نیە، لە دەرەنجامی ئەمەشەوە لاوازی دەروونی دایان دەگرێت و باوەڕیان بە خۆیان نامێنێ، پێویستە مامۆستای پەروەرشیار بەردەوام کار لەسەر هەستی قوتابی بکات و ڕێگایان بۆ ڕۆشن بکاتەوە، پێیان ڕابگەیەنێت کە داهاتووی هەر گەل و میللەتێک بەندە بە خوێندن و خوێندەوارییەوە، ئەویش لەدەستی قوتابی دایە، فێریان بکات، (ئامادە بوونی قوتابی لە پۆل، دەرهێنانی پەڕتووک و پێداویستی خوێندن، ڕیزگرتنی ئارامی پۆل، خاوێنی، هاوکاری یەکتری، ئامادەکردنی وانەکانی ڕۆژانە، بەشداری کردن لەگەل مامۆستا بۆ گوتنەوەی وانەکان) لە کارە هەرە گرنگەکانی قوتابییە، هەرچەندە سەرەتا لەوانەیە قوتابی بەم داواکارییانەی تۆ پێبکەنێ و هاوکاریت نەکات یان بە گران وەریبگرێت، بەڵام بەردەوامی تۆ و سوربوونت لەسەر گەیاندنی ئەم ڕاستیانە دەچێتە ناو ناخی قوتابی و لە ناوەوە هەستێکی گەورەی بۆ دروست دەکات کە ڕێز لە وتەکانی تۆ و ماندوبوونی خۆی بگرێت.
Google Sites
Report abuse