[هەموو باشێک جوانە بەڵام مەرج نییە هەموو جوانێک باش بێت]

🌷مرۆڤ پێویستە لەژیانیدا سیفەتی باش لەناخ و کردەوەکانیدا هەبێت بۆئەوەی بەجوان بناسرێت، جوانی هەر لەبەژن وباڵا و لەش و لاری ڕێکو پێکدا نیە بەلکو ،لەبیری ڕووناک و هەستی بڵند و کردەوەی شیریندایە، لە خۆشەویستیدایە ،لەیەکێتی و یارمەتیدایە،لە نەهێشتنی نەخوێندەواری و هەژاری و دەردەداریدایە.

جوانی لەوەدایە کە خەمخۆری خەڵک بیت ودەستی یارمەتی بۆدەوروبەرت درێژ بکەیت لەکاتی تەنگانەدا وئەم سیفەتانە لەکەسانی ڕەوشت بەرزدا کۆدەبێتەوە، پێغەمبەر(د.خ) کاتێک تەماشای خۆی دەکرد لە ئاوێنەدا دەیفەرموو(اللهم کما أحسنت خلقي فحسن خُلقي) واتە [خودایە چۆن لەشمت جوان و ڕێک دروستکردووە، ڕەوشتیشم جوان بکەی.

کەواتە بۆ ئەوەی بەجوانی بناسرێین پێویستە ئەم سیفەتانە لەناخ و هەست وکردەوەکانماندا ڕەنگ بداتەوە